30,05,2024

Hyjnë në fazën përfundimtare punimet në kalanë e qytetit në Kaçanik

Must Read

Punimet në konservimin dhe revitalizimin e kalasë së qytetit tashmë kanë hyrë në fazën përfundimtare. Edhe pjesa e ndriçimit të kalasë ka përfunduar dhe kanë mbetur vetëm edhe disa detaje të vogla deri në finalizimin e gjithë projektit.

Menor Pajaziti menaxher i projektit të konservimit dhe revitalizimt të kalasë nga Fondacioni Suedez “ Trashëgimia Kulturore pa Kufij” ( CHwB), tha se punët kanë hyrë në fazën përfundimtare dhe tashmë kanë mbetur vetëm edhe disa detaje deri ne finalizimin e projektit. “ Punët kanë ardhur në fund, kanë mbetur vetëm edhe disa detaje të vogla, ndërsa në javët në vazhdim pritet të bëhet edhe përurimi i punimeve” tha mes tjerash menaxheri Pajaziti. Në projektin e konservimit dhe revitalizimit të kalasë, fillimisht është pastruar muri nga kolonizimi biologjik duke përfshirë heqjen e bimëve e rrënjëve të ndryshme, myshqeve etj. Më pas, është bërë konservimi i strukturës së mureve dhe konsolidimi i gurëve. Për shkak të jostabilitetit është bërë edhe lidhja e gurëve me gëlqere, ndërsa trajtimi fugave është bërë në mënyrë autentike duke e ruajtur formën origjinale, ndërsa tashmë është rregulluar edhe shtegu për këmbësorë, rrethoja në pjesën e lumit si dhe ndriçimi. Për realizimin e tërësishëm të projektit CHwB-ja dhe Komuna kanë ndarë 60 mijë euro.

- Advertisement -spot_img
Të fundit

Arrestohet një person në Ferizaj, i dyshuar se ka kryer rrëmbim të një personi në Fushë Kosovë

Me datë 25.05.2024 rreth orës 09:35 policia rajonale e Ferizajt ka pranuar një informatë me telefon nga një femër...

More Articles Like This

- Advertisement -spot_img