Zëvendës Ministri Mustafë Grainca, njëherit kryetar aktual i klubit, sot ka nënshkruar një kontratë me bankën që nga llogaria e tij personale çdo muaj një sasi e mjeteve të transferohet në llogarinë e klubit KF Ferizaj.
Ai këtë e ka bërë të ditur përmes rrjetit social ku ka publikuar edhe kontartën e nënshkruar për këtë qëllim.
“Sot, nënshkrova urdhër transferin për sponzorim të klubit futbollistik “FERIZAJ”, me një shumë simbolike financiare, me bazë mujore, nga llogaria ime bankare. Secili nga NE, me bazë vullneti, mund ta bëjmë një veprim të tillë, të nënshkruajmë urdhër transferin për ndarje nga paga, shumën prej 2 apo 5 euro, për çdo muaj, për të ndihmuar klubin tonë. Unë e bëra në Raifaisen Bank, bëje edhe ti!” ka shkruar Grainca.
Është ky një gjest i cili po
përshëndetet nga shumë qytetarë dhe si
një inisiativë e mirë që edhe në këtë formë ti ndihmohet klubit ferizajas i cili
me vite po ka vështirësi më financim.
Ndoshta kjo do të bëjë që edhe shumë afarist ferizajas të veprojnë njëjtë dhe të nadjanë mjete , çoftë nga llogaritë personale apo edhe ato të bizneseve të tyre.
