“Nuk shoh sinqeritet në këtë gjest, përndryshe unë do të jem gjithmonë i gatshëm t’i mirëpres hapat e vërtetë dhe të sinqertë drejt pajtimit”, ka thënë Gjuriq për mediat serbe, transmeton Klan Kosova.
“Çdo krim ka një emër. Mbështetësit e ekstremizmit disa muaj më parë e prishën monumentin e vendosur nga qeveria e Serbisë. Do të ishte më mirë që Thaçi t’i zbulonte ata që e bënë krimin, se sa të qojë lule te viktimat”.
Gjuriq po ashtu ka deklaruar se Thaçi shkoi në Gorazhdec, për t’iu rënë në sy për të mirë ndërkombëtarëve.
Presidenti i Kosovës Hashim Thaçi, ka vendosur lule pranë monumentit të serbëve të vrarë në Gorazhdec në lumin Bistrica në vitin 2003.
