Qeveria heq përgjegjësinë për ligjin për pagat, në Komision Parlamentar thonë se do të punojnë në ndryshimin e koeficientëve
Mësimdhënësit e kirurgët nuk kanë punuar as të martën.
Kjo si rrjedhojë e grevës nga këto dy kategori, e të cilët kanë kërkesë të ngjajshme për t’i dhënë fund grevës.
Kërkohet ndryshim i koeficientëve të pagës për ta në projektligjin për paga.
Ky projektligj, pasi ka kaluar në parim në Kuvend, iu kthehet deputetëve më 31 janar
Në Qeverinë e Kosovës, thonë se e gjithë puna tash i mbetet Komisionit Parlamentar për Administratë Publike, Qeverisje Lokale dhe Media.
Mundësinë për ndryshime brenda projektligjit, sipas Besnik Tahirit, koordinator nacional për Reforma Shtetërore, e ka vetëm ky Komision.
Arban Abrashi, anëtar i këtij Komisioni nga Lidhja Demokratike e Kosovës thotë se ligjin e kanë pranuar me shumë mangësi, dhe në të këtë javë do të punohet intensivisht.
Sipas Abrashit, ka pak mundësi për ndryshime, por që do të tentojnë përafrimin e koeficientëve për këto katëgori që kanë hyrë ne grevë.
Në këtë Komision, thonë se po punohet ngushtë me ekspertë të Bashkimit Evropian dhe për shkak se është ky ligj do të gjej zbatim për një periudhë afatgjate, po I kushtohet rëndësi e veçantë.
Nga ky ligj preken pagat dhe pozitat e 80-100 mijë punonjësve./ Express
