Ende nuk është emëruar trajner i Manchester United, mirëpo tashmë veç kanë filluar shakatë me ‘autobusët e Mourinhos’.
Të shtunën, dy ndeshje ishin programuar të startonin në të njëjtën kohë (Liverpool – Stoke City dhe Tottenham – United), me fillim nga ora 17.00.
Por, për shkak të problemeve që pati në trafik, autobusi i Manchester United u vonua dhe kështu ndeshja filloi gjysmë ore më vonë, përcjell Gazeta Blic.
Të menjëhershme ishin reagimet dhe shakatë në rrjetet sociale, ku tifozët fajësonin ‘autobusin e Mourinhos’ për vonesën.
Kujtojmë se ky term është i njohur për të gjithë adhuruesit e futbollit, për shkak se i referohet lojës defanzive të teknikut portugez.
Mourinho gjatë kohës së tij te Chelsea u akuzua se po ‘parkonte autobusin’, në ndeshjet kur portugezi po tregohej shumë i kujdesshëm në repartin defanziv.
Shikoni disa nga fotot më qesharake në rrjetin social ‘Twitter’ më poshtë. /Gazeta Blic/
