Ferizaj është kryeqendër e zhvillimit ekonomik. Janë bizneset e shumta, që me prodhimet e tyre, punën e përkushtimin, kanë bërë qytetin tonë, referencë të zhvillimit ekonomik. Në këtë kuadër, vizita e Kryetarit të Cedar Falls, Robert Green në Ferizaj, merr kuptim të plotë me vizitë bizneseve.
Sot, mysafirin, kryetarin Green, bashkë me drejtorët komunal, prirë nga drejtori i zhvillimit ekonomik, Balton Dërguti, i mirëpritën drejtuesit e Fabrikës së Veglave “Plus” dhe kompanisë “Cadi Group” shpk.
Kryetari Green pa nga afër kapacitetet prodhuese të dy kompanive, kompani me shtrirje edhe në tregje përtej kufijve shtetëror, gjersa u shpreh i mahnitur me punën, profesionalizmin, standardin e prodhimit, kapacitete e kompanive gjegjëse, duke synuar edhe mundësitë e bashkëpunimit me kompanitë nga vendi që drejton.
