I riu Ergon Hyseni i cili kohë më parë kur filloi të merret edhe me kompozime nuk kishte pritur që aq shpejtë do të hyj në rrjedhat e showbizit.
Hyseni një viti e gjysmë më parë kishte filluar të merret me kompozimin e muzikës për film. Po gjatë kësaj kohe Ergon Hyseni nuk është më emër i panjohur për krijuesit e filmave dhe dramës në Kosovë.
Ai brenda kësaj kohe arriti një sukses që do të ishte i lakmueshëm për shumë krijues e sidomos duke pas parasysh moshën e tij të re.
Gjatë kësaj kohe ai bëri muzikën për 5 filma të metrazhit të shkurtër, muzikën e një filmi të metrazhit të gjatë, muzikën për dy shfaqje teatrale, muzikën për një festival filmi.
Hyseni tani është duke punuar në projektin e një seriali televiziv (192) ku tani më ka bërë muzikën për 15 episode dhe është duke punuar për episodet e tjerë.
“Në të gjitha këto projekte që kamë punuar muzikën ishin prodhim vendor. Njëherit falënderoi shumë të gjithë ata të cilët më ofruan mundësi bashkëpunimi e për të cilët nuk ishte problem mosha e re, por përkundrazi më kanë inkurajuar që të krijoi” thotë Ergon Hyseni.
Hyseni thotë se është në bisedime edhe për projekte të tjera të cilat beson se së shpejti do ti realizoi.