29,03,2024

Ekspertët britanikë në Kosovë, për të rishikuar punën e EULEX-it

Must Read

eulex

Kryetari i Gjykatës Supreme, Fejzullah Hasani, ka pritur sot në takim një ekip ekspertësh nga Britania e Madhe, të përbërë nga Anthony Welch dhe Maureen Brown, të cilët po qëndrojnë në Kosovë për të bërë rishikimin e punës së EULEX-it dhe të deleguarve nga Britania e Madhe, para vazhdimit eventual të një mandati shtesë për këtë mision.

Siç thuhet në komunikatë, kryetari Hasani ka falënderuar shtetin britanik për mbështetjen e vazhdueshme që ka dhënë për Kosovën, në veçanti për gjyqësorin.

Sa i përket misionit të EULEX-it, kreu i Supremes, e vlerësoi si shumë më të avancuar këtë mision, krahasuar me misionin paraprak, atë të UNMIK-ut.

Megjithatë, njofton Gjykata, ai ka theksuar se Kosova ende ka nevojë për mbështetje ndërkombëtare.

“Por, meqë po themelohet Dhoma e Specializuar, e cila do të merret me rastet e krimeve të luftës, mendoj se vendorët kanë kapacitete për t’i gjykuar rastet tjera. Rolin e EULEX-it, në të ardhmen, më shumë do ta shihja në procesin e integrimit të veriut të vendit, si një mision me një format të kufizuar në kompetenca dhe kapacitete”, është shprehur kryetari Hasani.

Ndërsa, lidhur me pyetjet e ekspertëve britanikë nëse një mbështetje e EULEX-it nevojitet edhe për rastet e krimit të organizuar dhe korrupsionit, Hasani ka pohuar se në këtë drejtim, ky mision mund të transformohet në një gjykatë mobile të EULEX-it, dhe eventualisht të veprojë në rastet sensitive, kur vlerësohet mundësia e ndikimeve nga jashtë.

Po ashtu, para përfaqësuesve britanikë, kryetari Hasani ka potencuar nevojën e koncentrimit në profesionalizëm dhe cilësi e jo vetëm në numra.

Këtë aspekt ai e shtroi, jo vetëm për gjyqtarët e EULEX-it, por edhe për ata vendorë, duke shtuar se gjyqësori ka nevojë për rritje të profesionalizmit, llogaridhënies së prokurorëve dhe gjyqtarëve, në mënyrë që të vërehen rezultatet.

- Advertisement -spot_img
Të fundit

Prof. Asoc. Dr. Arbresha Meha sjell inovacion dhe praktika të mira të bashkëpunimit ndërmjet akademisë dhe industrisë nga Austria në Kosovë

Në një kohë kur bashkëpunimi ndërmjet akademisë dhe industrisë po bëhet gjithnjë e më i rëndësishëm për zhvillimin e...

More Articles Like This

- Advertisement -spot_img