Kryeministri i Shqipërisë Edi Rama është i ftuar në Zona e Debatit në Klan Kosova.
Rama që do të jetë i pranishëm në ceremoninë e inaugurimit të presidentit të zgjedhur të Kosovës Hashim Thaçi ka thënë se këtë të fundit e ka mik.
“Unë e kam mik, Thaçin që ishte kryeministër, është president apo më parë si ka qenë edhe prijës i opozitës. Është një kulmim i një karriere të ndërtuar me plot meritë”.
Ai ka thënë se është i bindur se historia do ta vlerësoj Thaçin ashtu si duhet dhe shpreson se zgjedhja e tij do të thotë kapitull i ri në Kosovë.
“Nuk ka dyshim se në historinë e Kosovës, Hashim Thaçi ka lënë gjurmë të pashlyeshme. Zgjedhja e tij president shpresoj se do të hap një kapitull të ri për Kosovën”.
