Ferizaj.28.03.2017. Për protestat e paralajmëruara për ditën e nesërme nga Federata e Sindikatës së Shëndetësisë së Kosovë , edhe Sindikata e Shëndetësisë në Ferizaj ka shpërndarë një njoftim se protestat do të mbahen edhe në Ferizaj.
Sindikata e shëndetësisë në Ferizaj ka bërë të ditur se Protesta Paralajmëruese do të mbahet më 29. Mars. 2017 para hapësirave të institucioneve shëndetësore prej orës 8:00 deri në orën 9:00.
Sindikata këtë protestë është thënë se do ta mbajë për arsyet:
-Mosndryshimit të Ligjit mbi Pagat që është diskriminuese për punëtorët shëndetësorë
-Mosrealizimit të kërkesës për rritje të pagave.
