Nora Zuzaku kokën e mbuluar me shami e mbante ulur derisa trupi gjykues po e pyeste nëse kishte për të shtuar diçka pas ankesës me shkrim të dorëzuar në Gjykatë të Apelit nga avokatja e saj kundër vendimit të gjykatës së shkallës së parë.
“Kërkoj falje, mendoj se nuk do të përsëritet më vepra”, është përgjigjur ajo, shkruan sot Koha Ditore.
Bashkë me Tahir Isufin dhe Ismajl Zenelin ajo ishte arrestuar nga policia më 15 nëntor të vitit të kaluar nën dyshimin se po shkonin drejt Sirisë për të marrë pjesë në luftën e atjeshme.
Ishin ndaluar nga autoritetet turke derisa po tentonin t`u bashkoheshin organizatave siriane.
