Burime zyrtare nga blutë e kryeqytetit bëjnë me dije se në pranga u vunë shtetasit Altin Çela, 43 vjeç, ish-punonjës policie dhe djali i tij Xhon Çela, 21 vjeç, të dy banues në Tiranë.
Ndalimi i këtyre shtetasve u bë pasi janë konstatuar me dy doza me lëndë të dyshuar kanabis sativa, si dhe gjatë kontrollit të ushtruar në banesën e tyre janë gjetur dhe sekuestruar në cilësinë e provës materiale 15 qese farmacie me lëndë të dyshuar narkotike kanabis sativa me peshë 45 gramë, 7 granata dore defensive, 6 ndezës detonatorë me mashë, si dhe 12 krehra pa fishekë, nga të cilët 4 janë 30-sh dhe 8 10-sh.
Materialet procedurale iu kaluan Prokurorisë pranë Gjykatës Shkallës së Parë Tiranë, për veprat penale “Prodhimi dhe mbajtja pa leje e armëve luftarake dhe e municionit” dhe “Prodhimi dhe shitja e narkotikëve”, parashikuar nga nenet 178 dhe 283/2 të Kodit Penal.
The post Drogë e municione, në pranga ish-polici dhe i biri appeared first on Lajminet.