Ish- deputetja e AAK-së, Donika Kadaj-Bujupi, ka rrëfyer qëndrimin në burg kur u arrestua për hedhjen e gazit lotsjellës në Kuvendin e Kosovës. Ajo në emisionin “Naten” me aktorin Fatmir Spahiu, ka thënë se ka gabuar që ka hyrë në politikë.
“Ditën që më arrestuan, fëmijët kërkuan që mëngjesin ta bëj më herët sesa zakonisht. Kur erdhën Policia nuk ishte momenti më i keq për mua. Momenti më i keq ishte kur më dërguan në burg dhe më than se të gjitha gjërat duhet t’i bëja vet për qelin time. Thasët, jorganin, të gjitha i qova vet në qeli”, ka treguar Kadaj-Bujupi
“Kam studiua për gazetari, kam bërë master dhe në fund kam kaluar në anën e gabuar. Në vend se të rri në gazetari dhe të luftojë të keqen kam kaluar në politikë”, ka theksuar ndër të tjera deputetja e pavarur.
