Nedeljnik në numrin e ri ka publikuar këto dokumente të CIA-s që përcjellin jetën politike të Millosheviqit gjatë viteve të tetëdhjeta e nëntëdhjeta.
Siç shkruan në këtë revistë, SHBA e kishte krijuar Millosheviqin në armikun më të madh, nga “politikani i kujdesshëm dhe sharmant”, transmeton lajmi.net.
Në një dokument, siç thuhet në Nedeljnik, ekziston ky fakt: “Në prill të vitit 1987, Millosheviq kishte tërhequr vëmendje ndërkombëtare me vizitën e tij dramatike në protestën e serbëve të Kosovës”.
Mirëpo, siç thuhet në këtë shkrim të këtij mediumi serb, CIA, kinse ka arritur që fjalimin e tij në tubimin e Fushë Kosovës, ta ndryshojë në dëm të Millosheviqit. Pra, siç thuhet, Millosheviqi, kinse ka përmendur aty hapjen e tregut dhe zhvillimin ekonomik, por se CIA e ka hequr këtë pjesë.
Dhe, siç shkruan Nedeljnik, kjo ka sjell që SHBA si lideri i NATO-së, të udhëheqë sulmin në vitin 1999, gjatë luftës në Kosovë.
Në pjesën e dytë të raportit që quhet “Një për një”, Millosheviq përshkruhet si “një folës impresiv, i sigurt, gjithmonë dominues në bisedimet sy-më-sy”.
Aty thuhet se, ish kreu i Serbisë e Jugosllavisë, “jo vetëm që është i qetë gjatë takimeve në zyrën e tij”, por edhe “është mjeshtër për mendime dhe marrje të vendimeve nën presion”./lajmi.net
.
