Pas rastit të djegies së ish Gjimnazit “Ismail Qemali” pati shumë reagime nga më të ndryshmet duke filluar nga qutetarët, ish nxënësit e kësaj shkolle, qeveria komunale deri te Ministria.
Gjatë ditës së sotme në faqen e tijë zyrtare ka dhënë njjë deklaratë edhe nënkryetari i Ferizajt Lulzim Aliu.
Kjo është deklarata e nënkryetarit Aliu i cili ka dhënë edhe disa sqarime shtesë në lidhje me renovomin e kësajë shkolle e cila u djegë një ditë pasi filloi renovimi:
Vërtetë u ndjeva i shqetësuar e i mërzitur nga ajo që ndodhi sot në Gjimnazin e vjetër në Ferizaj.
Shumë pamje e vrazhdë dhe dëshpëruese.
Ama, kur lexova kontratën e operatorit ekonomik, sikur m’u hoqën dilemat se dikush e ka bërë këtë veprim për qëllime tjera.
Siç duket nga kontrata, kjo djegie e çkado që ka pasur brenda objektit, përfshirë tërë kulmin, ia paska lehtësuar punën kompanisë që e ka filluar punën e restaurimit.
Ndoshta dikush e ka bërë edhe për qëllime tjera, ama mos të ngutemi me vlerësime, me sharje, me fyerje e mos më keq.
Për të lehtësuar e zvogëluar sado pak dhimbjen, shqetësimin e frikën e atyre që vërtetë u traumatizuan dje nga veprimi vandal, po jap edhe disa sqarime të nevojshme që ju, të nderuar miq, duhet t’i dini.
Projekti i restaurimit të objektit të Gjimnazit “Ismail Qemali” paska paraparë demolimin e plotë të objektit.
Nga struktura e vjetër qenka planifikuar të mbesin vetëm muret dhe oxhaqet.
Qenka paraparë komplet kulm i ri, me traj e dërrasa të reja. Edhe meskati, sipas paramasës, do të ndërtohet komplet i ri, me shtylla, me traj e me dërrasa të reja.
Poashtu edhe dyshemeja.
Suvatimi brenda dhe fasada e jashtme qenkan krejtësisht të reja.
Dyert dhe dritaret që do të zëvendësohen qenkan nga materiali PVC me testurë druri.
Pra, djegia e djeshme, përveç pamjes trishtuese që na traumatizoi, paska pasë efekt vetëm në lehtësimin e punës së kompanisë që e ka fituar projektin për realizim.
Nëse dikush ka pasë qëllim tjetër ka dështuar plotësisht.
Në anën tjetër, atyre që dje ranë pre e dezinformatave të orkestruara, ju garantoj se kurrë, ama kurrë, ajo hapësirë nuk do të shfrytëzohet për qëllime të tjera.
Lajm i mirë në këtë fatkeqësi mund të jetë edhe fakti se ky veprim i dhunshëm nuk ndikon në rritje të shpenzimeve të projektit siç u shprehën disa me nguti.
Nëse policia ka kryer hetimet në vendin e ngjarjes punët mund të fillojnë menjeherë.
Djegia e ish Gjimnazit, nënkryetari Lulzim Aliu: Atyre që dje ranë pre e dezinformatave të orkestruara, ju garantoj se kurrë, ajo hapsirë nuk do të shfrytëzohet për qëllime të tjera
