Nën masa të larta sigurie, policët në ishujt grekë të Lesbos kanë vënë njerëzit në anije për t’i kthyer në Turqi, i pari deportim që po bëhet me një plan të Bashkimit Europian për të frenuar rrjedhën e refugjatëve në Europë, raporton Al Jazeera.
Dëshmitarët raportojnë se kanë parë dy anije duke lundruar pasi policia hipi njerëzit që kishin arritur me autobusë.
“Të gjithë emigrantët e kthyer janë nga Pakistani , për dallim prej dy emigrantëve që ishin nga Siria dhe u kthyen vullnetarisht,” Giorgis Kyritsis, zëdhënës i komitetit qeveritar për kirzën e emigrantëve, i ka thënë televizionit shtetëror, raporton Al Jazeera, përcjellë Klan Kosova.
Kyritsis ka thënë se 136 persona janë depërtuar nga Lesbos dhe 66 nga ishulli i afërt i Chios, ku policia u përlesh me banorët rezidentë disa orë më herët gjatë një proteste kundër dëbimeve.
Marrëveshja për t’i dërguar njerëzit pas përsëri nëpërmjet Detit Egje është kritikuar ashpër nga grupet e të drejtave për arsye etnike.
Agjencia e lajmeve AFP të hënën tha se dy anije turke në Lesbos dhe një tjetër në Chios erdhën për të marr refugjatët dhe atë do të jenë të shoqëruar nga eskorta policore.
Ministri i Brendshëm turk, Efkan Ala ka thënë se vendi i tij është gati për të pranuar 500 refugjatë të hënën dhe autoritetet greke kanë dhënë 400 emra edhe pse numri i tyre mund të ndryshoj, raporton Al Jazeera, përcjellë Klan Kosova.
