Aktivitete për shënimin e 16 vjetorit të pavarësisë, kanë përfunduar me ekspozitën kolektive e organizuar nga Galeria e Arteve dhe Shoqata e Artistëve Figurativ “Zef Kolombi”.
Me punimet e tyre në këtë ekspozitë kanë marrë pjesë mbi 51 artistë, ndërsa kjo ekspozitë po mbahet për të 16 herë me radhë. Të pranishmit në këtë ekspozitë i ka përshëndetur nënkryetari i Komunës së Ferizajt Lulzim Aliu.
Çmimi tradicional për pikturën më të mirë apo veprën artistike më të mirë, i cili çmim mban emrin e dëshmorit dhe artistit “Gursel Sylejmani”, ju nda Xhevdet Pantina, nga vajza e dëshmorit Pranvera Sylejmani bashkë me nënkryetarin Lulzim Aliu.
Jurinë profesionale për përzgjedhjen e punimeve e përbenin: Mal Myrtaj (kryetar), Pranvera Sylejmani (anëtare) si dhe Avni Xh. Behluli (anëtar)
![](https://ferizajpress.com/wp-content/uploads/2024/02/FB_IMG_1708331544170-1024x683.jpg)
![](https://ferizajpress.com/wp-content/uploads/2024/02/FB_IMG_1708331573590-1024x683.jpg)
![](https://ferizajpress.com/wp-content/uploads/2024/02/FB_IMG_1708331565918-1024x683.jpg)