Polica ka arrestuar dje në Deçan një femër dhe një mashkull, pasi që kanë sulmuar me thikë një çift bashkëshortor.
Ngjarja raportohet të ketë ndodhur në rrugën “Luan Haradinaj”, ku sipas Policisë të dyshuarit pas një mosmarrëveshje familjare kanë sulmuar fizikisht –me një mjet të mprehtë (thikë) dy viktimat, një mashkull dhe një femër (bashkëshort).
Sipas Policisë viktimat kanë pësuar lëndime trupore dhe kanë pranuar tretman mjekësor. Njësiti policor në vendin e ngjarjes ka gjetur dhe ka konfiskuar mjetin-thikën që dyshohet të jetë përdorur në rast. Me urdhër të prokurorit e dyshuara dërgohet në mbajtje ndërsa i dyshuari lirohet në procedurë të rregullt.
