Sekretari i Nismës për Kosovën Bilall Sherifi, ka thënë se vendimi i gjykatës Kushtetuese për ta hedhur poshtë kërkesën e opozitës lidhur me zgjedhjen e Hashim Thaçit president, nuk ka qenë i papritur, raporton GazetaBlic.
“Për rrethanat të cilat aktualisht egzistojnë është vendim i pritur. Sa here qe ka qenë në pyetje pushteti personal i Hashim Thaçit Gjykata Kushtetuese i ka ardhur në ndihmë”, është shprehur ai.
Sipas Sherifit, edhe kjo është një pikë që e paraqet kapjen e shtetit.
“Edhe ky aktgjykim i kushtetueses është produkt i kapjes së shtetit”, ka thënë Bilall Sherifi në një prononcim për Gazetën Blic.
Gjykata Kushtetuese doli sot me vendimin e saj final, me ç’rast e hodhi poshtë kërkesën e partive opozitare për ta kontestuar zgjedhjen e Hashim Thaçit president. /G.Blic/
