Nisma për Kosovën ka mohuar raportimet në media se kjo parti sot të bëjë zyrtare vendimin për shkrirje të këtij subjekti në Aleancën për Ardhmërinë e Kosovës.
Sekretari i kësaj partie, Bilall Sherfi, ka thënë se një gjë e tillë nuk do të ndodhë.
Ai për KosovaPress ka thënë se ky është një lajm i pavërtetë dhe, se Nisma në asnjë mënyrë, nuk do të shkrihet në asnjë parti politike.
“Sot e 100 vjet kjo nuk do të ndodh. Ne mund të bëjmë koalicione, por jo të shkrihemi në ndonjë parti tjetër. Ne do të vazhdojmë rrugëtimin tonë si Nismë”, tha ai.
Ndryshe, mediat raportuan se Nisma për Kosovën, pritet që sot përmes një konference për media në selinë e AAK-së, të shkrihet në subjektin që drejton Ramush Haradinaj, Aleanca për Ardhmërinë e Kosovës.
