Ferizaj.21.10.2017.Gjatë paradites së sotme është bërë asfaltimi i rrugës kryesore të fshatit Lloshkobare.
Nga afër punimet në këtë vend punishte i ka ndjekur edhe kryetari i komunës së Ferizajt, Muharrem Svarqa i shoqëruar edhe nga drejtori i infrastrukturës, Gafurr Ilazi, si dhe mbikëqyrësit e këtij projekti.
Më këtë rast kryetari i komunës së Ferizajt, Muharrem Svarqa, tha se ky projekt është tepër i rëndësishëm.
“Sigurisht se këto projekte janë tepër të rëndësishme sepse lidhen këto lokalitete në mes veti, por edhe me qytet dhe janë rrugë kryesore dhe rrugica, të cilat buxhetit të komunës i kushtojnë mbi 250 mijë euro , dhe fal kohës së mirë që po mbretëron kompania “Eskavatori” po e shfrytëzon që të kryhen këto asfaltime, dhe po kryhen këto projekte infrastrukturore”, ka thënë kryetari Svarqa.
Edhe banorët e këtij lokaliteti e kanë mirëpritur këtë asfaltim, duke theksuar se asfaltimi ka qenë mese i domosdoshëm për këtë fshat.
Asfaltimi i rrugës në fshatin Lloshkobare u bë në kuadër të projekteve infrastrukturore që po realizon komuna e Ferizajt, për këtë vit.
