Një 24-vjeçar ka përfunduar në prangat e policisë së Shkodrës, pasi akuzohet se ka kanosur me armë zjarri një person.
Mësohet se i arrestuari është shtetasi Gjergj Prroni, i cili ishte shpallur në kërkim nga policia për prodhim dhe armëmbajtje pa leje.
Ndërsa sot, ai ka kërcënuar me armë shtetasin me inicialet V. L., 40 vjeç. Policia ka bërë të ditur se ka nisur hetimet për zbardhjen e plotë të ngjarjes, pasi ende nuk dihet se cilat kanë qenë arsyet që kanë shtyrë Prronin të kërcënojë 40-vjeçarin.
