Të pakënaqurit e Lëvizjes Vetëvendosje, Ajnishahe Halimi, Arben Gecaj dhe Fatos Aliu, të cilët së fundmi veprimtarinë e tyre po e kryejnë në kuadër të “Fraksion plus”, është thënë në media se do t’i bashkohen Partisë Demokratike të Kosovës.
Mirëpo, një gjë të tillë e ka mohuar Arben Gecaj, i cili ka thënë për Telegrafin se ende janë larg nga marrja e ndonjë vendimi për këtë gjë.
“Ne ende jemi larg nga marrja e cilitdo vendim. Mirëpo nuk përjashtojmë bashkëpunimin me PDK-në”, ka thënë Gecaj, për Telegrafin.
I pyetur se a kanë marrë ndonjë ofertë serioze nga ana e Partisë Demokratike të Kosovës që t’i bashkohen këtij subjekti, Gecaj ka thënë se nuk ka pasur diçka të tillë.
“Jo, nuk kemi biseduar dhe nuk kemi pasur oferta serioze”, u shpreh Gecaj.
Ndërkaq Ajnishahe Halimi sot në një deklaratë në media ka thënë se në çdo parti mund të bashkohen, me përjashtim Vetëvendosjes, duke mos specifikuar për përafrimin me PDK-në që është raportuar në media./Telegrafi/
