Analisti politik Arben Ahmeti ka thënë se Lëvizja Vetëvendosje kishte negociauar me ambasadën amerikane dhe se kërkesa e vetme që i ishte bërë VV-së atëherë sipas Ahmetit, ishte një kërkimfalje ndaj ish-ambasadores amerikane, raporton GazetaBlic.
“Në negociatën e VV-së me ambasadën amerikane, ambasada i ka kërkuar VV-së vetëm një kërkimfalje ndaj ambasadores Tracy Ann Jacobson”, ka thënë ai në Rubikon.
Ndërsa, menjëherë pas kësaj ka reaguar Dardan Molliqaj, i cili e ka mohuar kategorikisht një gjë të tillë.
“Kjo nuk është e vërtetë”, ka thënë ai.
Molliqaj e ka akuzuar analistin Ahmeti disa herë brenda debatit, se po thotë gjëra krejt të pavërteta.
E tutje, Arben Ahemti, ka reaguar ndaj asaj që tha Ilir Deda në këtë debat, se Isa Mustafa ka qenë shkaktari kryesor i prishjes së VLAN-it.
Ai ka thënë se po e pranon si fakt të kryer të VV-së që ka ndodhur kështu, mirëpo ka kujtuar disa momente jot ë këndshme për VV-në, përfshirë edhe atë kur Albin Kurti ka thënë se “ne i tutemi Amerikës”.
Gjatë këtij debati ka pasur mjaft shumë replika, duke përfshirë gati të gjithë të ftuarit në këtë emision.
Pasi Ilir Deda ka vlerësuar krejt në fund se shteti i Kosovës nuk është “këkrah hiç”, Ahmeti ka reaguar duke thënë se kjo po ndodhë pasi që parititë janë “kërkah hiç”. /GazetaBlic/
