Në situatë më të vështirë nga sëmundja, që mjekët thonë se quhet Neuropati, është vajza e vogël e kësaj familjeje, e cila nuk mund të lëvizë fare pa ndihmën e prindërve. Sëmundja e këtyre vogëlusheve u është shfaqur që në moshën 2 vjeçare, ndërsa që prej asaj kohe vijon të jetë në të njëjtin stad. Prindërit e tyre kanë rendur nëpër spitale për t’i kuruar, por pa mundur që të gjejnë zgjidhje në Shqipëri.
Për herë të fundit ata kanë kryer analizat 1 vit më parë në Tiranë, por pa mundur që të gjejnë një diagnozë e saktë. Mjekët iu kanë rekomanduar që analizat e sakta për të përcaktuar sëmundjen duhet të bëhen në spitale jashtë vendit, por kjo është e pamundur nga familja, pasi nuk kanë mundësi financiare. Analiza të tilla kushtojnë mijëra euro, ndaj dhe prindërit e këtyre vogëlushëve apelojnë për ndihmë.
“Tri vajzat e mia kanë probleme me ecjen. Ato nuk mund të lëvizin pa ndihmën e ndonjë personi tjetër, pasi lodhen dhe rrëzohen. Dy të mëdhatë që janë në shkollë, detyrohemi që t’i çojmë çdo ditë unë ose bashkëshorti, pasi nuk mund të shkojnë vetëm.
Jemi sorollatur në të gjitha spitalet e vendit tonë dhe nuk na kanë dhënë asnjë zgjidhje. Na thonë se kanë një sëmundje që quhet neuropati, por nuk na thonë si mund të kurohet këtu në Shqipëri. Kurimi është i mundur vetëm jashtë shtetit, por ne nuk kemi mundësi financiare, pasi është një kosto shumë e madhe. Vetëm burrin kam në punë dhe lekët që merr nuk na dalin as për të mbajtur frymën gjallë. Vetëm një analizë kushton 3 mijë euro për njërën gocë, plus dhe shpenzimet e tjera. Unë i bëj apel çdokujt që ka mundësi të na ndihmojë”, thotë nëna e tri vajzave Mirela Përleka.
Familja prej 10 anëtarësh e Dritan Përlekes jeton në kushte të vështira ekonomike. E gjithë familja mbahet vetëm me rrogën që merr kryefamiljari. Mes lotësh njëra prej vajzave rrëfen për vështirësitë që i ka shkaktuar sëmundja, duke apeluar për ndihmë.
“Kur eci, kam dhimbje shumë të madhe në gjunjë. Nga kjo lodhem shpejt dhe rrëzohem. Ne nuk mund të shkojmë te shkolla vetëm, janë të detyruar babi dhe mami që ta çojnë me makinë. Duam të jetojmë si gjithë fëmijët e tjerë”, thotë Dinela, 11 vjeçe.
The post Apeli i 3 motrave të mitura: Duam të ecim si shoqet tona appeared first on Lajminet.
