Ish- drejtori i Arsimit në Komunën e Prishtinës, Jusuf Thaçi, ka thënë se deputetja e Kuvendit të Kosovës e larguar nga AAK-ja, Donika Kadaj Bujupi dhe deputeti Ilir Deda, i larguar nga VV-ja, do duhej ta dorëzonin mandatin e deputetit, njofton gazetablic.com
Duke e arsyetuar këtë tezë, Thaçi ka thënë se me që largimi i deputetëve ka qenë për arsye parimore, atëherë edhe dorëzimi i mandatit do të ishte parim.
“Do të ishte parimore që të dy të dorëzonin mandatin e deputetit, në mënyrë që subjektet politike përkatëse t’i zëvendësojnë ata dhe të kenë numrin e deputetëve në Kuvend ashtu siç i kanë fituar në zgjedhje”, ka shkruar Thaçi në profilin e tij në rrjetin social Facebook.
Shrkimi i plotë i tij:
[quote_box name=””]
Deputetja Donika Kadaj-Bujupi dhe deputeti Ilir Deda janë bërë deputetë duke qenë persona partiakë dhe zyrtarë të subjekteve politike përkatëse.
Prandaj, do të ishte parimore që të dy të dorëzonin mandatin e deputetit, në mënyrë që subjektet politike përkatëse t’i zëvendësojnë ata dhe të kenë numrin e deputetëve në Kuvend ashtu siç i kanë fituar në zgjedhje.
P.S.: Kjo rregull nuk ka vlejtur më herët, meqë lëvizjet e mëhershme të deputetëve janë bërë për pazare, ndërsa këta dy të fundit po thonë se e kanë bërë për arsye parimore dhe parimësia e kërkon edhe këtë sakrificë.
[/quote_box]
