Përplot mbeturina është mbushur kjo hapësirë publike, në fshatin Bardhosh të Prishtinës, raporton KTV.
Për banorët gjendja është bërë e padurueshme, sidomos tani që temperaturat janë rritur dhe mbeturinat kundërmojnë.
Për gjendjen në të cilën ndodhet fshati, për disa fajtorë janë vetë banorët.
Në komunë thonë se intervenuan disa herë në largimin e mbeturinave nga rrugët e fshatit, por që kjo nuk është zgjidhje.
Edhe banorët e Bardhoshit, si të fshatrave përreth, nuk kanë kontratë me kompaninë ‘Pastrimi’ për grumbullim të mbeturinave.
Gjërat mund të ndërrojnë ngase, sipas Arbnore Ademit, zëdhënëse në kompaninë ‘Pastrimi’, rreth 61 familje kanë bërë kërkesë që të regjistrohen për të pranuar shërbimin për mbledhjen e mbeturinave.
