Sekretari i Lëvizjes Vetëvendosje Dardan Molliqaj nuk po ndalet së akuzuari dy partitë tjera opozitare Aleancën për Ardhmërinë e Kosovës dhe Nismën, ngase sipas tij këto parti e kanë dëmtuar bllokun opozitar.
Molliqaj ka deklaruar se lideri i AAK-së, Ramush Haradinaj nuk është i duhur për të qenë bartës i listës zgjedhore, pasi që bartësi i kësaj liste duhet të ketë mençuri dhe pastërti për ta sfiduar pushtetin, gjëra që sipas Molliqajt i mungojnë liderit të AAK-së.
Lidhur me këtë, anëtari i Kryesisë së AAK-së, Muharrem Nitaj, ka thënë për Indeksonline se kredibiliteti moral e politik i Haradinajt është 100 shkallë më i lartë se ai i Molliqajt.
“Kredibiliteti moral dhe politik i Ramush Haradinajt është 100 shkallë mbi profilin dhe kredibilitetin e Dardan Molliqajt”, ka thënë Nitaj.
