Të ftuar në Info Magazine të Klan Kosovës janë Ministri i Ministrisë së Mirëqenies Sociale, Arban Abrashi si dhe Petrit Zogaj nga organizata FOL.
Me ta është duke u diskutuar lidhur me hulumtimin e bërë nga IKS për “Përceptimet e qytetarëve për shtetin social”.
Abrashi u shpreh se ky hulumtim do të merret parasysh nga ekzekutivi, por këtë gjë e dyshon shumë Zogaj.
“Nuk besoj që Qeveria do ta shoh mirë hulumtimin. Unë jam dyshues se ky nuk është hulumtimi i parë kur Qeveria ka thënë se do të merret”.
Zogaj ka thënë se ministria të cilën ai është në krye e menaxhon varfërinë dhe që për punën e varfërisë duhet të merret një ministri tjetër.
“Ministria e Mirëqenies Sociale e menaxhon varfërinë e një mandat specifik. Ish dasht që të ketë barrën kryesore Ministria e Zhvillimit Ekonomik”.
Ai tha se administrata në Kosovë është e mbipopulluar.
“Në trustin pensional ose në ATK ose kudo janë institucione që mund t’i nxjerrësh se sa njerëz janë të punësuar, e aty e kemi një numër të madh të shërbyesve publik. Sllovenia e ka përgjysë më pak numrin e të punësuarve”.
“Ky është një numër shumë madh për funksionimin e adminsitratës në Kosovë”.
Zogaj ka thënë se në Kosovë njerëzit, mbijetojnë.
“Jeta është në nivel të mbijetesës, madje edhe diskursi i fjalorit të tyre ësht ënë nivel të mbijetesës sepse nuk ka zhvillim ekonomik”.
“Shqiptari sot jeton pak a shumë sikur në vitet 1990”
