Francesco Totti edhe njëherë ka dëshmuar pse është ‘perandori’ i Romës.
Legjenda e Romës, Francesco Totti, pati një moment tejet emocionues në ndeshjen në mes të Romës dhe Torinos.
Veterani 39-vjeçar u inkuadrua nga pankina në minutën e 85-të të takimit, dhe shënoi dy gola me dy prekje të topit, transmeton Gazeta Blic.
Roma po pësonte 1-2 nga Torino, por me t’u inkuadruar në fushën e lojës, Totti shënoi me prekjen e parë të topit, për të barazuar shifrat.
Totti më pas shënoi golin e fitores nga pika e bardhë e penalltisë, për rezultatin përfundimtar 3-2.
Ky ishte goli i 303-të i Tottit për Romën, shifra impresive këto kur merret parasysh se shumicën e karrierës ai ka luajtur në pozitën e mesfushorit. /Gazeta Blic/
The legend. Francesco #Totti scores 2 goals in 3 minutes. pic.twitter.com/tkpQd8b4C2
— SOCCER.COM (@soccerdotcom) April 20, 2016
