Mesfushori i Genoas, Blerim Xhemaili, ka thënë se është shumë i lumtur me fitoren dhe paraqitjen e skuadrës së tij kundër Interit.
Genoa mbrëmë mundi Interin, me rezultat 1-0, në javën e 34-të të Serisë A. Xhemaili thotë se skuadra e tij cilësi të mëdha.
“Kemi treguar lojë të mirë dhe cilësore. Ky ekip ka shumë cilësi dhe është një ekip i madh”, ka thënë Xhemaili.
Ai thotë se është i përqendruar tek Genoa dhe për Evropianin 2016. “Në fund të sezonit do të kthehem në Galatasaray e pastaj do të shohim. Tani jam duke menduar vetëm për Genoan dhe Kampionatin Evropian”, tha ai.
Xhemaili po luan tek skuadra italiane në formë huazimi nga klubi turk, Galatasaray.
