Ministria e Punëve të Brendshme dhe Caritas Kosova nënshkruan memorandum të mirëkuptimit. Ky memorandum ka për qëllim partneritetin për implementimin e programit: Fuqizimi i Institucioneve kosovare në mbrojtjen e grupeve të rrezikuara 2016-2018, që do të implementohet nga Caritas Kosova.
Memorandumi i Mirëkuptimit u nënshkrua nga zëvendësministri i Punëve të Brendshme, njëherësh koordinator Kundër Trafikimit me Njerëz, z. Milan Radojevic dhe drejtori gjeneral i Caritasit për Kosovë, Don Viktor Sopi.
Qëllimi i programit është që viktimat e trafikimit me njerëz në Kosovë të identifikohen, të mbështetën për një ri-integrim të suksesshëm. Fokusi kryesor i programit është përforcimi i kapaciteteve për identifikimin e hershëm dhe referimin e rasteve, rritjes së vetëdijesimit dhe ri-integrimin e suksesshëm të viktimave etj.
