Policia e Kosovës ka arrestuar dje një person në Aeroportin Ndërkombëtar të Prishtinës “Adem Jashari”, shtetas i Shqipërisë, pasi i njëjti ka tentuar të udhëtojë me dokument të falsifikuar.
“Është arrestuar i dyshuari mashkull shtetas i Shqipërisë, pasi që i njëjti ka tentuar që të udhëtoj me dokument i cili dyshohet të jetë i falsifikuar”, thuhet në raportin e Policisë.
Policia njofton se me vendim të prokurorit i dyshuari pas intervistimit është dërguar në mbajtje. /KosovaPress/
