Menaxheri i Liverpoolit, Jurgen Klopp, është shprehur shumë i lumtur me fitoren dhe paraqitjen fantastike te skuadrës së tij kundër Borussia Dortmundit.
“Reds” mbrëmë mundën Dortmundin, me rezultat 4-3, në një ndeshje të çmendur, duke u kualifikuar në gjysmëfinalen e Europa League, transmeton KosovaPress.
Tekniku gjerman tregon se çfarë u kishte thënë lojtarëve të tij në pushim të pjesës së parë, pasi që fraksioni i parë i ndeshjes u mbyll me epërsinë e ekipit gjerman prej 0-2.
Ai u tregoi fitoren e madhe te Liverpoolit në finalen e Ligës së Kampionëve kundër Milanit, duke e motivuar ekipin që në pjesën e dytë të përmbyste avantazhi i Dortmundit.
“Iu thashë lojtarëve, unë nuk isha atje por disa lojtarë me të vjetër te LFC, shumica nga ta tani ekspertë në televizione, ata ishin 3-0 duke humbur në pjesën e parë dhe fituan një finale të Champions League. Pra, edhe pse duket e pamundur, është e mundur. Ne duhet ta provojmë këtë. Dhe ata e bënë”, ka thënë Klopp.
