Mahmut Bakalli, kryetar i Lidhjes së Komunistëve të Kosovës në dokumentarin e realizuar nga gazetarët Andi Bushati dhe Baton Haxhiu ka treguar se kur është filluar të diskutohet edhe për krijimin e Kushtetutës së vitit 1974.
“Në vitin 1971 kanë filluar diskutimet rreth amendamenteve në Kushtetutën e atëhershme. Dhe aty është fillimi i avancimit të Kosovës. Aty fillon procesi i ndarjes sonë nga Serbia.
Tito më pyeti a je i kënaqur me diskutimet që po bëhen për Kushtetutën e 74-ës. Unë i thashë po, por kemi pengesa mjaftë të mëdha.
Ai më pyeti mirë, por a po më tregon pse ju duhet juve Republika? Unë i thashë se ne faktikisht jemi të gjithë për Republikën e Kosovës.
Tito më tha e çka ju nevojitet Republika?
I thashë se ne duhet të sundojmë me ekonomi, me kulturë, me polici, me arsim, me politikë të jashtme me mbrojtjen territoriale.
Ai ma tha krejt çka i the, se ato që nuk i ke thanë thuaj komisionit tënde le t’i paraqes si kërkesa.
I thashë por ato kërkesa janë për Republikë, a je ti që ne te jemi për Republikë, ai thotë: jo se do të hynim në telashe të mëdha me shovinizmin serb.
Unë mendoj se në vitet ’71-81 ka qenë një fitore e madhe së bashku me Kushtetutën e 74-ës”, ka thënë Bakalli.
