120 nxënës të shkollës 9-vjeçare “Adem Gjeli” në Fushë-Krujë janë evakuuar pas rrezikut për një lëndë helmuese në ambientet e shkollës.
Ngjarja është ende e paqartë, por dyshohet se në ambientet jashtme të shkollës të jetë hedhur nga persona ende të paidentifikuar një lëndë helmuese.
Kjo, pasi sipas dëshmive të para nga nxënësit dhe mësuesit e shkollës, ata kanë filluar të kenë probleme me frymëmarrjen.
Nxënësit dhe stafi i mësuesve u evakuuan nga ambientet e shkollës, ku ka nisur në hetim për të mësuar motivin dhe personat që hodhën lëndën helmuese.
