Në botën e pastrimit të parave nuk janë përfshirë vetëm politikanë, drejtues shtetesh të fuqishëm apo ish drejtues, por edhe futbollistë dhe njerëz të njohur të sportit.
Njëri ndër ta është edhe ylli argjentinas Leonel Messi, i cili tashmë është i akuzuar për evazion fiskal 4.1 milionë euro në Spanjë.
Por “Corriere.it” duket se i ka paraprirë një komenti të mundshëm që mund të vijë nga Messi për çështjen skandalit të “Panama Papers”.
Duke iu referuar çështjes së parë dhe akuzave për evazion, ‘Corriere’ shkruan se Messi di se çfarë të thotë dhe si të mbrohet. “Unë nuk shoh, firmos për cfarë më thotë babai”, citon ‘Corriere’ Messin të ketë deklaruar kur u ngritën akuzat mbi të.
