Ndonëse nga shumëkush është pritur qe Komisioni “ad hoc” i presidentes Atifete Jahjaga, i përbërë nga tre ekspertë ndërkombëtarë, t’i japë epilog çështjes se demarkacionit, një gjë e tillë nuk ka ndodhur. Madje, raporti i publikuar nga ta vetëm sa ka ndikuar në tensionimin e situatës.
Banorët e Rugovës paralajmërojnë radikalizim të veprimeve dhe dalje të situatës jashtë kontrollit. Thonë se nuk pajtohen qe tokën të cilën e kanë shfrytëzuar “dem baba dem” t’ua japin malazezve, sikundër qe ia shohin për të madhe kryeministrit Isa Mustafa i cili, sipas tyre, asnjëherë nuk ka dalë në terren.
Shpresat i mbajnë tek deputetët e Kuvendit të cilët thonë se nuk do ta ratifikojnë këtë marrëveshje.
Agron Nikçi, banor i Rugovës paralajmëron se situata shumë shpejt mund të dalë jashtë kontrollit nëse Qeveria nuk heq dorë nga marrëveshja e 26 gushtit.
Madje, ka banorë që dyshojnë se toka po falet për shkak të liberalizimit të vizave.
“Nuk jepet toka për këtë”, thotë Sali Lukaj. /Tribuna Channel/
[youtube https://www.youtube.com/watch?v=_yAopLKiAW0?feature=oembed]
