Katër persona janë shoqëruar në stacionin policor në Ferizaj pasi të njëjtit dyshohet se janë përfshirë në një rast të kanosjes.
Ata janë intervistuar nga Policia e Kosovës me autorizim të prokurorit të shtetit në cilësinë e të dyshuarve.
Hetuesit policorë kanë siguruar një video-incizim dhe një audio-incizim që lidhen me rastin e të cilat i janë përcjellë prokurorit të shtetit si prova materiale.
Tek i dyshuari E.F. (30-vjeç) janë sekuestruar dy armë zjarri (pistoleta) dhe 63 fishekë, ndërsa tek i dyshuari tjetër N.M. (57-vjeç) është sekuestruar një armë zjarri (pistoletë) dhe 10 fishekë.
Për armët e sekuestruara, të dyshuarit posedonin leje valide, ka njoftuar Policia e Kosovës.
Pas intervistimit, të dyshuarit janë liruar në procedurë të rregullt.