Një mjet i dyshuar i pashpërthyer është gjetur të shtunën në mesditë në Parkun e Lirisë në Ferizaj.
Rasti është raportuar nga një qytetar, i cili ka njoftuar policinë për objektin e dyshimtë.
Ngjarja ka ndodhur rreth orës 13:05 në rrugën “Brahim Ademi”.
Menjëherë pas raportimit, në vendin e ngjarjes kanë dalë njësitë relevante të Policisë së Kosovës si dhe njësia e deminimit e KFOR-it (EOD), të cilët kanë ndërmarrë të gjitha masat e nevojshme për sigurinë e zonës dhe kanë tërhequr mjetin e dyshuar të pashpërthyer.
“Rr. Brahim Ademi, Ferizaj. 09.08.2025 -13:05. Ankuesi m/k ka raportuar se në parkun e lirisë kishte hasur në një mjet të dyshuar të pa shpërthyer. Në vendngjarje kanë dal te gjitha njësit policore njësiti i deminimit te KFORI-it (EOD) dhe e kane tërhequr mjetin e pashpërthyer”, thuhet në raportin 24-orësh.
