22 korrik 2025 – Sot në Ferizaj është bërë hapja zyrtare e Panairit të Bizneseve Artizanale, një ngjarje që synon promovimin e punës së artizanëve vendorë dhe ruajtjen e trashëgimisë kulturore përmes produkteve të punuara me dorë.
Panairi u vizitua nga kryetari i Komunës së Ferizajt, z. Agim Aliu, i shoqëruar nga drejtori i Drejtorisë për Zhvillim Ekonomik dhe Turizëm, z. Balton Derguti – drejtori i kësaj drejtorie, e cila është edhe organizatore e aktivitetit.
Në panair po marrin pjesë rreth 30 biznese artizanale nga Ferizaj dhe rajonet përreth, duke ekspozuar produkte të ndryshme që përfaqësojnë kreativitetin vendor, përkushtimin dhe trashëgiminë kulturore të qytetit.
Panairi do të zgjasë nga data 22 deri më 25 korrik 2025, duke ofruar vizitorëve mundësinë që të njihen më nga afër me produktet artizanale dhe të mbështesin artizanët lokal.
