Drejtoria e Bujqësisë përfundoi fazën e parë të shpërndarjes së sistemit të ujitjes pikë-pikë, folisë së zezë dhe rezervuarve të ujit për 8 përfitues, ku pas përfundimit të punëve agroteknike nga fermerët përfitues, do t’u shpëndahen edhe fidanet e mjedrave duke përmbyllur gjithë ciklin e investimit e mbështetjes për këta fermerë përfitues.
Drejtori i Bujqësisë Burim Bajrami, i pranishëm në këtë shpërndarje, theksoi se drejtoria që udhëheq vazhdueshëm ka mbështetur bujqit e fermerët ferizajas ku edhe kjo mbështetje është në kuadër të saj, duke lehtësuar e zhvilluar veprimtarinë e fermerëve ferizajas.
Në mesin e përfituesve ishte edhe shkolla e mesme Profesionale “Zenel Hajdini”, që është një mbështetje e vazhdueshme në krijimin e kushteve për realizimin e programeve të profileve të Agronomisë dhe realizimin e pjesës praktike.
