Për herë të parë, Komuna e Ferizajt po bëhet me Qendër Digjitale Turistike. Kjo qendër, e para e llojit të saj jo vetëm në Ferizaj por, edhe në Kosovë, po realizohet si një projekt inovativ që mundëson që qytetarët të marrin informacion 24 orë në ditë përmes ekranit digjital të vendosur në këtë qendër.
Drejtori i Zhvillimit Ekonomik dhe Turizmit në Ferizaj, Balton Derguti, bashkë me stafin e tij, në rastin e funksionalizimit të qendrës, tha se qyteti ynë tashmë do të ketë një qendër moderne të informacionit turistik, e cila ka munguar deri më tani.
Ky projekt vjen pas projekteve të tjera që kjo drejtori ka realizuar, si hartat turistike, webfaqja e turizmit, videosportet turistike dhe broshurat turistike, si mundësi për informimin e të gjithë atyre që dëshirojnë të vizitojnë qytetin tonë.
