Gjatë ditës së sotme në një takim të organizuar me gjashtë drejtorët e shkollavë profesionale të Kosovës nga ALLED2, menaxherja e projektit Efka Heder njoftoi të pranishmit se janë përfitues të teknologjisë më të re “Augmented Virtual Reality (AR)”,.Realitetit të Shtuar Virtual.
Për këtë udheheqesja e projektit ALLED2 znj. Heder tha se kjo është një teknologji e re dhe për herë të parë po aplikohet në Kosovë, por është edhe një risi edhe për rajon.
“Kjo teknologji do të ndihmoi shkollat profesionale në realizimin e një pjese të mësimit praktik, ku nxënësi paraprakisht mund të marrë informata për procesin e punës. Ky projekt do të filloi të zbatohet që nga muaji Shtator nëpër këto shkolla, ku paraprakisht do të trajnohen edhe mësimdhënësit për përdorimin e kësaj teknologjie dhe përgatitjen e materialeve për prezantime” ka thënë Menaxherja e projektit ALLED2, Efka Heder.
Heder bëri të ditur se në hapjet zyrtare të kabineteve me këtë teknologji do të jetë prezent edhe Ambasadori i Austrisë në Kosovë.
IAAP “Zenel Hajdini” në Ferizaj është një nga shkollat e cila do të pajiset me këtë teknologji e që do të shfrytëzohet për parapërgatitjet e nxënësve për punën praktike dhe përgatitjen e tyre sa më të mirë për tregun e punës.
