Pika e Viva Fresh në Ferizaj është rihapur, pasi që e njëjta u përfshi nga zjarri në shkurt të këtij viti, nga ku u dogj pothuajse gjithçka aty.
Për rihapjen e pikës, foli menaxherja e kampanjës së hapjes, Lorenta Gashi, e cila tha se dyqani u rihap për një periudhë të shkurtër kohore.
“Ne jemi jashtëzakonisht të lumtur që kemi qenë në gjendje me e rihap dyqanin për një periudhë të shkurtër kohore. Gjithashtu, me rastin e rihapjes, kemi përgatit shumë oferta, shumë zbritje, ku konsumatorët tanë besnik të Ferizajt kanë mundësi të furnizohen dhe të bëjnë blerje nga gama e gjerë e produkteve tona”, tha Gashi .
Tutje ajo u kërkoi falje qytetarëve në Ferizaj për mungesën e Vivës për këto muaj.
“Ne ju kërkojmë falje të gjithë qytetarëve të komunës së Ferizajt, për periudhën në të cilën ne nuk ishim të pranishëm”.
“Është një fluks i madh i njerëzve, që do të thotë se qytetarëve të Ferizajt u ka munguar ‘Viva e Madhe‘, siç edhe njihet në Ferizaj”.
