Ka filluar të zbatohet amandamenti i Ligjit për Mbrojtjen e Konsumatorit sipas së cilit çdo market detyrohet që pranë produktit të vendosë flamurin e shtetit të origjinës.
Këtë e ka bërë të ditur edhe kreu i Prishtinës, Shpend Ahmeti.
“Pas shumë insistimeve të shefit të grupit parlamentar të PSD Dardan Sejdiu në emër të PSD dhe në emër të Komisionit Parlamentar, ka filluar zbatimi i amandamentit të Ligjit për Mbrojtjen e Konsumatorit ku çdo market detyrohet që pranë çdo produkti me e vendos flamurin e shtetit të origjinës. Tash e tutje qytetarët nuk kanë nevojë me i lexu e me i njoftë barkodet. Lehtë është me e pa se cili prodhim është i shteteve fqinje e cili është prodhim vendor”, ka shkruar Ahmeti.
Ai shkrimit të tij ja ka bashkëgjitur dy fotografi, për të cilat ka treguar se nuk janë të tij por janë marrë nga një postim.Koha.net
