I arrestuar për dhunë ndaj ish të dashurës dhe i liruar me kusht që të mos dilte nga shtëpia, por kjo nuk e ka penguar të riun shqiptar që të dalë për kafe.
24-vjeçari Albano Dova ishte arratisur nga Italia që t’i shpëtonte dënimit atje, por ia ka bërë gropën vetes me postimin në Facebook, çka solli edhe arrestimin e tij sapo zbriti nga avioni.
I dënuar me arrest shtëpie dhe me byzylyk elektronik, Albano ia kishte dalë të arratisej drejt Elbasanit, nga ku edhe postonte foto nëpër lokale.
E këtë gjë e ka bërë edhe kur është kthyer në Itali, postoi një foto me një vajzë nga kafeneja e aeroportit duke ia lehtësuar shumë punën policisë për arrestimin e tij.
