Barcelona starton me fitore falë golave të bukur nga Messi dhe Coutinho

Kampionët e kampionatit spanjoll kanë shënuar fitore 3:0 në ‘Camp Nou’, duke mundur Alavesin.
Pjesa e parë e kësaj ndeshje u dominua nga Barcelona, por që nuk arriti të gjente rrjetën.
Në pjesën e dytë, saktësisht në minutën e 64’, Lionel Messi ekzekutoi në mënyrë maestrale një goditje dënimi, duke dërguar topin nën këmbët e murit të ngritur nga lojtarët e Alaves, top i cili si destinacion të fundit pati portën e portierit Pacheco, për 1:0.
Coutinho në minutën e 83′ shënoi për 2:0, ndërsa Messi në minutën e fundit të ndeshjes u shfaq sërish për rezultatin 3:0, duke shënuar golin e tij të dytë personal në këtë ndeshje.
Në xhiron e dytë Barcelona udhëton për t’u takuar me Valladollid./Lajmi.net/