Akoma s’ka marrëveshje për Higuain, thotë drejtori i Juventus

Juventus dhe Milan akoma nuk e kanë finalizuar marrëveshjen për Gonzalo Higuain, ka thënë drejtori gjeneral i skuadrës nga Torino, Guiseppe Marotta.
Sulmuesi 30-vjeçar pritet që t’i bashkohet Rosonerëve si huazim njëvjeçar për 18 milionë euro, ndërsa skuadra nga San Siro do ta ketë mundësinë e blerjes nëse paguan edhe 36 milionë euro tjera.
Të hënën Goal pati raportuar se vëllai dhe agjenti i Higuain, Nicolas, dhe drejtori i Milan Leonardo janë takuar në Casa Milan për të finalizuar detajet e marrëveshjes.
Për më shumë, ish-mbrojtësi i Juventus Leonardo Bonucci mund të bëhet pjesë e këtij akordi, për t’u kthyer në shtëpinë e vjetër.
Mbrojtësi i Juventus, Mattia Caldara, mund të përfshihet po ashtu, duke kaluar në San Siro, si kundërpeshë për kthimin e Bonucci në Torino.