Agjenti i Ronaldos: Një sfidë e re për karrierën e jashtëzakonshme të tij!

Ylli portugez gjatë dy ditëve të fundit është përfolur shumë me një largim nga Real Madrid pas qëndrimit tetë vjeçar.
Sipas medieve në Spanjë e Itali, e ardhmja e Ronaldos do të jetë në Serie A, te Juventusi.
Sinjalet e para rreth një transferimi të mundshëm te Ronaldos te Juventusi, i ka dhënë edhe agjenti i lojtarit, Jorge Mendes, duke thënë se kjo lëvizje do të ishte një sfidë e re për karrierën e  jashtëzakonshme të CR7.
“Nëse largohet nga Madridi, gjithsesi do t’i jetë shumë mirënjohës klubit, presidentit, drejtorëve, tifozëve, dhe të gjithë atyre që përbëjnë atë klub kudo në botë”, ka deklaruar Mendes.
“Kjo do të ishte një etapë e re dhe një sfidë e re për karrierën e tij të jashtëzakonshme”, ka shtuar ai në lidhje me transferimin e tij te Juventusi./Lajmi.net/